Лилард: Не ми се допаѓа насоката во која оди НБА

Кошаркарот на Портланд Трејл Блејзерс, Демијан Лилард изјави дека лигата функционира многу поинаку отколку кога тој бил дебитант. Плејмејкерот смета дека освојувањето на прстен е примарна цел, но не и единствена важна работа во неговата кариера.

Лилард ја игра 11-та сезона, а сите ги помина во дресот на Портланд. Трендот на формирање таканаречени „супер-тимови“ започна уште пред 32-годишниот да ја започне својата професионална кариера.

Она што го издвојува од повеќето врвни кошаркари е тоа што не менува тим за да се обиде по секоја цена да стигне барем до едно славје по големата финална серија.

„Играм кошарка затоа што го сакам овој спорт. Сакам да се натпреварувам и да го знам чувството на победа, но сакам и моите соиграчи да се чувствуваат исто и да бидат соодветно платени. Уживам и во социјалната природа на нашата работа, задоволство е да се зближиме со некого“, изјави Лилард и додаде:

„Не морам да им докажувам на другите дека сакам да бидам шампион. Разбирам дека ова е главната мотивација за време на кариерата, но не можеме да се преправаме дека ништо друго не е важно – како процесот на напредок низ кој поминувате. Лигата сега е различна на многу начини во споредба со нејзината состојба кога бев дебитант. Не сум сигурен дали ќе имам долга кариера затоа што не знам дали ќе можам да уживам во средината во која станува НБА“.

Лилард оваа сезона има просек од 32,3 поени, 7,3 асистенции и 4,7 скока.

Портланд се наоѓа на 13. место на Западот со скор 31-38.