Ливерпул му испрати помош на Мохамед Салах

Репрезентацијата на Египет  во петокот го игра првиот натпревар од групната фаза на Светското првенство против Уругвај.

Египќаните се на СП по речиси 30 години и во оваа земја постои голема еуфорија пред почетокот на Мундијалот. Се разбира, навивачите на Египет најмногу се надеваат дека нивниот најдобар играч Мохамед Салах ќе биде подготвен за натпреварот против Уругвај.

Салах беше повреден пред неколку недели во финалето на Лигата на шампионите, но се врати на тренинг пред неколку дена. Сепак, повредата на рамото се уште не е целосно завршена, па дури и одлучиа да реагираат и од неговиот тим, Ливерпул, кој испрати помош.

Салах, на тренинзите на Египет, најчесто тренира поединечно, и се разбира фокусот е на повреденото рамо. Сепак, Салах има добро друштво, бидејќи му помага физиотерапевт Рубен Понс од Ливерпул, кој англискиот клуб го испрати да му помогне на ѕвездата на Египет.