Луис Суарез официјално го пропушта судирот против Барселона

Атлетико Мадрид во сабота на домашен терен ќе го одигра големото дерби против Барселона.

Многумина очекуваа дека ова ќе биде судир на Луис Суарез против поранешниот клуб, но за жал тоа нема да се случи затоа што уругвајскиот напаѓач пред неколку дена потврди дека е позитивен на коронавирус.

Суарез беше тестиран по мечот со Колумбија, а резултатот беше позитивен. Тој е во изолација веќе неколку дена и денес реши да се тестира повторно за да може да биде во конкуренција за мечот против Барселона доколку биде негативен.

Сепак, Суарез ја доби веста што го разочара, а тоа е дека тој е сепак позитивен на коронавирус и сега е јасно дека сигурно нема да биде во конкуренција за натпреварот против Барселона.

Суарез се уште е во изолација и не е познато кога би можел да се врати во Мадрид.