Лука Дончиќ со сопствен рекорд по бројот на поени, само во прва четвртина уфрли 28 (ВИДЕО)

Словенец синоќа ги предводеше Далас Маверикс до победа над Лос Анџелес Клиперс 112:105. Дончиќ одигра маестрален меч, постигнувајќи дури 51 поен, што е негов личен рекорд во кариерата, а веќе по првата четвртина имаше 28 поени, со седум тројки. Лука стана само петтиот Европеец на сите времиња со повеќе од 50 поени на еден меч. Рекордер кога е Европа во прашање е поранешниот кошаркар на Сан Антонио Спарс, Тони Паркер со 55 поени, додека поранешниот играч на Далас Маверикс, Германецот Дирк Новицки успеа да постигне 52 поени, исто како и Гркот Јанис Антентокунмпо, активен член на Милвоки Бакс.

Покрај 51 поен, Лука имаше и девет скока и шест асистенции, а двоцифрени покрај него во редовите на Маверикс беа Фини-Смит (12), Б Рансон и Булок со по 11 поени. Кај гостите од ЛА, Маркус Морис постигна 21 поен, Пауел 19, а Џексон 18 поени.

Феникс Санс го совлада Милвоки Бакс со 131:107 со 27 поени на одличниот Ајтон, кој имаше и седум скока и една асистенција. Во редовите на поразениот тим Мидлтон и Холидеј постигнаа по 21 поен.

Торонто Репторс славеше со 139:120 на гостувањето кај Хјустон Рокетс, а Трент блескаше со дури 42 поени на гости, додека Сијакам постигна 30. Кај Рокетс најефикасен беше Портер со 30.

Вашинтонм Визардс го совлада Бруклин Нетс со 113-112. Нето во победничкиот тим постигна 21 поен, Ирвинг 31, а Томас 27 поени.

Сет Кари постигна 35 поени и додаде 10 асистенции, но тоа не беше доволно за Голден Стејт Вориорс на домашен паркет против Њујорк Никс, кои славеа со 116:114, пред се благодарение на Рендл кој имаше 28 поени и 16 скока и седум. асистенции, додека Фурние додаде 22 поени.