Лука Јовиќ ја однесе Фиорентина во полуфиналето од Купот на Италија

Фиорентина се пласираше во полуфиналето на Купот на Италија! Лука Јовиќ постигна гол за триумф над Торино, со глава ја затресе мрежата во 65. минута на асистенција на Алекс Терзиќ.

Лука Јовиќ беше повлечен од игра од страна на тренерот Италијано во 73. минута, а свирежите во тој момент беа наменети за Амрабат кој влегуваше. Причина беше одлуката на Мароканецот да не тренира за да добие дозвола за трансфер во Барселона.

Ова беше прв гол за Јовиќ за Фиорентина по 9 ноември, кога постигна гол против Салернитана. Се шпекулираше за заминување на српскиот репрезентативец во Галатасарај, но тој остана во Фиренца.

Во 89. минута од натпреварот Џонатан Иконе само ја потврди победата на Фиорентина.

Кај гостите Карамох го постигна почесниот погодок во втората минута од судиското надополнување.