Македонецот до пред една година беше член на Арсенал, сега ќе брани за Сараево: Не разговарав со Велковски, немаше потреба!

Дејан Илиев, македонски голман, кој до пред една година беше под договор со лондонски Арсенал, се договори со бонаскииот клуб Сараево. 28-годишниот чувар на мрежата ја прифатил оваа понуда, бидејќи како што рече, во овој клуб има луѓе со визија. Како што е познато, во овој тим настапувале неколку македонски фудбалери, а меѓу последните е Крсте Велковски. Илиев вели дека не разговарал со Крсте за Сараево, бидејќи немало потреба. Знаел уште одамна за каков клуб станува збор.

Последниот клуб на Илиев беше Хелсинки, а претходно беше дел од словачки Тренцин, кој во 2022 година практично го купи од Арсенал. До тогаш тој беше под договор со англискиот тим, иако поголемиот дел од престојот го помина на позајмици.

Еве што друго изјави Илиев одговарајќи на прашањата од навивачите на тимот преку клупскиот профил на Инстаграм.

„Го гледав Сараево кога играше Европа, се сеќавам дека таму имаше многу Македонци, ги поддржував нив и Сараево. Ги следев и ги гледав натпреварите во Премиер лигата на БиХ и добро сум запознаен со тоа. не знаеш кој не го гледа Сараево?“, изјави Илиев кој потоа откри што му рекол Арсен Венгер за време на неговиот престој во Арсенал во Лондон.

„Се се случи многу брзо, бев во Македонија, а потоа за ден-два отидов во Лондон. Тренирав на Академијата и ме префрлија во првиот тим. Тоа беше шок за мене бидејќи тренирав со Арсен Венгер и големи ѕвезди, се сеќавам дека горев од желба да се докажам и да бидам уште подобар бидејќи е тешко да се стигне до таму. Арсен секогаш бараше на секој тренинг да бидеме на највисоко можно ниво на концентрација, да внимаваме на деталите и тоа работиме со висок интензитет. Постојано велеше дека малите детали прават голема разлика. Се обидувам да го искористам тоа“, додаде тој.

Вели дека не разговарал со Крсте Велковски, кој долго време ги бранеше боите на Сараево.

„Знаеме кој е Сараево, тоа е најдобриот клуб без конкуренција и дилеми со најдобрите навивачи. Знаеме што беше Сараево во поранешна Југославија и што е денес. Изненаден сум од видот на луѓе кои го водат клубот, со визија и идеја која сигурно ќе донесе резултати.Многу сум позитивно изненаден.Лесно беше да се донесе одлука.Не разговарав со Крсте Велкоски, не требаше затоа што не треба многу да прашуваш луѓе за Сараево, но кога бевме во репрезентацијата тој со многу емоции зборуваше за Сараево, па беше јасно колку го сака Сараево“.

Овој 28-годишен голман кариерата ја започна во Беласица, а беше член и на Арсенал, Серед, Јагелонија, Шрусбери и Тренчин и Хелсинки, од каде пристигна во Сараево.