Манчестер Јунајтед веќе тренира со полна сила

Маркус Рашфорд изјави дека тимот на Манчестер Јунајтед е на речиси целосни тренинзи пред гостувањето во Њукасл во понеделник. „Црвените ѓаволи“ беа погодени од бранот СОВИД-19 и два од нивните натпревари беа одложени.

Јунајтед последен пат играше со Норич (1-0) на 11 декември, по што не се одиграа нивните натпревари со Брајтон и Брентфорд.

„Момците тренираа, а денес другите се вратија на тренинзите. Има само неколку играчи кои треба да се вратат утре“, изјави Рашфорд за клупската веб-страница.

„Значи, ние сме речиси целиот тим, што е позитивна вест за оваа недела“, додаде напаѓачот.

Манчестер Јунајтед потоа ќе се соочи со Барнли во последниот натпревар оваа година. „Ако имаме добар период за Божиќ, можеме да го задржиме моментумот и да правиме големи натпревари на крајот од сезоната, кога се играат наградите“, смета Рашфорд.

Ново лице на клупата на Јунајтед ќе има и за натпреварот против Њукасл, бидејќи тренерот Ралф Рангник го доведе Хуан Шарп за помошник и аналитичар.