Марјан Секуловски назначен за тренер на Пелистер

Пелистер го промовираше Марјан Секуловски во нов тренер. Секуловски пред три недели ја напушти Брегалница, па сега се враќа во матичниот клуб каде што работеше и во минатото, а на кормилото ќе го замени Капинковски, кој се повлече уште во ноември.

Новиот стратег на Пелистер го предводеше битолскиот тим двапати во кариерата, а беше и на кормилото на Новаци, 11 Октомври, Македонија Ѓорче Петров, Силекс, додека во странство има искуство со екипите на Ајејавади јунајтед со кој го освои Купот на Мјанмар, исто така ги предводеше и Јангон јунајтед и Шан јунајтед, а со тимот на Мазија освои две шампионски титули на Малдивите.