Марсело Брозовиќ од 60 милиони евра, дали вреди толку?!

Марсело Брозовиќ е еден од најдобрите играчи на Интер, не само оваа сезона, туку и претходната. Оние кои што добро го познаваат италијанскиот фудбал велат дека е голем потенцијал.

Веројатно такво нешто видел и Јурген Клоп, кој го контактирал агентот на фудбалерот. Засега ништо сериозно, но се распрашувал за можен трансфер.

Марсело Брозовиќ има 27 години,  а неговата откупна клаузула е 60 милиони евра, нешто што наводно Ливерпул е подготвен да го плати. Освежување на тимот од Енфилд му е потребно, Марсело може да го донесе тоа, но се поставува прашањето дали вреди толку? Инаку, Интер планира нов договор за Брозовиќ со поголеми примања, и бришење на откупната клаузула, што секако би значело поголема сума за продажба, нешто што може да биде проблем за Ливерпул.