Милан и Интер го оставија исходот за април

Екипите на Милан и Интер не победија и завршија со резултат  0:0 во првиот натпревар од нивната полуфинална пресметка за Купот на Италија.

Од првиот судиски знак и двете екипи тргнаа во напад. Во седмата минута Хакан Чалханолу најде простор во шеснаесетникот и шутираше, но неговиот удар беше одбиен од дефанзивец.

Милан одговори со шанса за Алексис Селемејкерс, чиј силен удар го одби Самир Хандановиќ. Неколку секунди подоцна, Оливие Жиру накратко му додаде на Тео Ернандез, кој сепак шутираше од страна на вратата.

Френк Каси по половина час игра го најде својот соиграч на отворен простор, но одбраната на „нероаѕурите“ успеа.

Петнаесет минути по продолжението на натпреварот, Алесандро Флоренци се обиде со удар од далечина, но Хандановиќ одлично се снајде и го чуваше својот гол.

До крајот на натпреварот темпото на игра се намали и немаше опасни ситуации пред ниту една врата.

Така двата тима го оставија исходот за реваншот кој е на 20 април.