Фудбал
Мората се сели во Барселона
Поголемиот дел од шпанските медиуми ја пласираа сензационалната информација дека каталонскиот гигант Барселона ќе се обиде за време на зимскиот преоден рок да ги осигура услугите на шпанскиот интернационалец од редовите на лондонскиот премиерлигаш Челзи, Алваро Мората.
Младиот напаѓач не ги исполнува големите очекувања кои ги имаат челниците на Челзи и се погласни се шпекулациите дека ќе биде продаден на крајот од актуелната сезона. Сепак, Барса сака прво да го позајми поранешниот фудбалер на Реал (М), а потоа да го откупи неговиот договор.