На 26 години Онана ја заврши репрезентативната кариера

ГОЛМАНОТ на Интер, 26-годишниот Камерунец Андре Онана објави дека ја завршил репрезентативната кариера, но не наведе причина за таа одлука. Од неговото деби во репрезентацијата во 2016 година, Онана има 34 настапи за репрезентацијата на Камерун.

Играчите доаѓаат и си одат, имињата се минливи, но Камерун е над сите играчи и луѓе. Се вели во соопштението на Онана.

За време на Светското првенство во Катар, Онана влезе во конфликт со селекторот Ригоберт Сонг. Тој бранеше на првиот натпревар, во кој Камерун беше поразен со 1:0 од Швајцарија, но во следните два настапи остана на клупата, откако ги критикуваше тактичките замисли на селекторот.

Фудбалскиот сојуз на Камерун тогаш објави дека Онана е суспендиран поради недисциплина.