На Барселона и се допадна левиот бек од Бенфика

Екипата на Барселона сака да се засили на левото крило на одбраната, каде Жорди Алба речиси и да нема конкуренција. Се очекува младиот Алехандро Балде да биде испратен на позајмица, а на негово место ќе дојде уште еден играч.

Според локалниот весник „Спорт“, Барса се фокусирала на привлекување на Алекс Грималдо од Бенфика. Тој е јуниор на „каталонците“ и беше дел од резервниот тим до 2016 година, кога им се приклучи на „лисабонските орли“ и брзо се наметна како главен играч.

Договорот на Грималдо е до 2023 година и не е сигурно дека дефанзивецот ќе се согласи да го обнови. Летото Бенфика за него бараше 30 милиони евра, но оваа цена ја одби италијанскиот Лацио.

Барселона продолжува да ја следи ситуацијата околу Хозе Гаја, кој се уште не потпишал нов договор со Валенсија.