На Олимпико блескаше, но само еден гол го реши победникот

Фудбалерите на Рома го победија Кремонезе со 1:0 во натпреварот од второто коло во италијанската Серија А.

Вистинското прашање е како денеска на Олимпико се виде само еден гол со оглед на борбените шанси и вкупно 39 шутеви (27-12 во корист на Рома).

Домашната екипа ја искористи улогата на фаворит, но беше доста тешко да дојде до три бода. Гостите, кои минатата сезона изборија пласман во Серија А, се претставија добро, често напаѓаа, имаа добри шанси, но немаа доволно среќа за нешто повеќе.

Решавачкиот гол беше постигнат дури во 65. минута. Лоренцо Пелегрини го изведе корнерот, а Крис Смолинг остана сам да го изведе вториот и со глава ја упати топката во мрежата.

Овој натпревар го одбележа и тешката повреда на Николо Заниоло во финишот на првото полувреме. По повредата на Вајналдум, тоа е нов тежок удар за Жозе Мурињо и неговиот тим.

Рома останува со максимален учинок бидејќи во првото коло ја победи Салернитана со 1:0 на гостински терен. И покрај добрата игра, Кремонезе доживеа и втор пораз. Во првото коло гостуваа во Фиренца и загубија со 3:2 од Фиорентина.

Кремонезе ги бара првите бодови на домашен терен против Торино, додека Рома ја чека пеколно гостување кај Јувентус во Торино.

https://twitter.com/Iconic_Mourinho/status/1561775601350049796