Фудбал
Над 400.000 потписи за протерување на Ерлинг Халанд
Уште кога се појави на големата сцена во дресот на Салцбург, Ерлинг Халанд е вистинска гол-машина и топ тема во светските медиуми.
Летово тој од Борусија Дортмунд се пресели во Манчестер Сити каде се чини дека е во најдобра форма досега во кариерата и е вистинска гол-машина.
Норвешкиот напаѓач од дебито во дресот на Манчестер Сити соборува рекорд по рекорд, а благодарение на бројните успеси, по шега, некои велат дека не е човек. Халанд постигна 19 гола на 12 натпревари за „граѓаните“, пет во Лигата на шампионите и 14 во Премиер лигата.
Имајќи ги предвид „вонземските“ фигури на Ерлинг Халанд, навивачите на другите клубови во Англија решија да „преземат акција“.
Така, повеќе од 400.000 луѓе потпишаа петиција упатена до британската влада, со која се бара властите да го исфрлат Норвежанецот од Премиер лигата, со образложение дека е „робот“.
Секако, тоа нема да се случи, но гестот на Англичаните уште еднаш ги докажува ретките квалитети на Халанд и „магијата“ за која е способен.
— Out Of Context Football (@nocontextfooty) October 6, 2022
Халанд синоќа постигна два нови гола во Лигата на шампионите и веќе е 11-ти на листата на најдобри стрелци во ова натпреварување кога се активните фудбалери во прашање.
Тој е зад Кристијано Роналдо (140 гола), Лионел Меси (127), Роберт Левандовски (89), Карим Бензема (86), Томас Мулер (52), Златан Ибрахимовиќ (48), Нејмар (42), Мохамед Салах (38) ), Килијан Мбапе (36) и Антоан Гризман (30).
