Други спортови
Надал веќе тренира во Мелбурн, ќе учествува на Австралија опен
Поранешниот светски рекет број еден Рафаел Надал ќе се натпреварува на Австралија опен, иако неодамна беше позитивен на тестот за Ковид-19. Инфекцијата со коронавирус го доведе во прашање вмешаноста на Шпанецот во Мелбурн, но денес тој ги воодушеви своите обожаватели објавувајќи фотографија на која тренира во Род Лејвер Арената во австралискиот град.
Под фотографијата од теренот каде Надал ја освои титулата во Австралија во 2009 година напиша: „Не кажувајте никому, но еве ме“. Во последните неколку месеци, Надал се опоравува од повредата на стапалото, а пред само неколку дена се врати на теренот на показниот турнир во Абу Даби, каде забележа загуби од Енди Мареј и Денис Шаповалов пред да биде позитивен на тестот за Ковид-19. Сепак, на задоволство на навивачите, Надал ќе игра во Мелбурн.
Освојувачот на 20 Грен слем титули најверојатно ќе биде единствениот меѓу првите три во Австралија, бидејќи Роџер Федерер се уште се опоравува од операцијата на коленото, а Новак Ѓоковиќ нема да биде примен поради неговото одбивање да се вакцинира.
View this post on Instagram
