Највредниот подарок, Капка полна живот-ФФМ и селекторот Милевски се приклучија на акцијата (ФОТО)

Фудбалската федерација на Македонија во соработка со „Црвен крст“ и со Институтот за трансфузиона медицина во „Куќа на фудбалот“ организираше крводарителска акција во која учествува вработени во федерацијата и надворешни соработници кои доброволно се вклучија во повикот за несебична помош и солидарност.Повеќе од 40 пријавени изразија волја за крводарување, а беа собрани вкупно 32 крвни едниници.

Во оваа трансфузија на љубовта, секоја крвна група си имаше свој херој. Меѓу дарителите на највредниот подарок беше и селекторот на македонската А репрезентација, Благоја Милевски кој со личен пример придонесе за подигнување на свеста за крводарување и со тоа посведочи дека секој од нас може да спаси живот.

Доброволното крводарителство станува дел од традицијата на Фудбалската федерација на Македонија како доказ за социјално – етичкиот концепт и одговорност.