Накагами ја освои својата прва пол-позиција во МотоГП

Теруел, 24 октомври 2020 (МИА) – Такааки Накагами (ЛЦР Хонда) го прослави потпишувањето на неговиот нов двегодишен договор со сателитскиот тим на Хонда Рејсинг Корпорејшн (ХРЦ) со освојување на својата прва пол-позиција во МотоГП.

Јапонецот триумфираше на квалификациите за Големата награда на Теруел со време 1: 46.882, со што останаа на 0,063 пред Франко Морбидели (Петронас Јамаха СРТ). Трет на стартот ќе биде победникот на првата трка на „Моторленд Арагон“ минатата недела Алекс Ринс (Сузуки), кој заврши со 0,273 од првото место.

Маверик Вињалес (Јамаха), Јоан Зарко (Авинтија Дукати) и Фабио Квартараро (Петронас Јамаха СРТ) утре ќе почнат од вториот ред, додека од третиот ќе учествуваат Пол Еспаргаро (КТМ), Кал Крачлоу (ЛЦР Хонда) и Икер Лекуона. (Техника 3 КТМ).

Лидерот на Светскиот шампионат Жоан Мир (Сузуки) ќе започне дури 12-ти откако неговото најдобро време во втората половина на квалификациите беше избришано поради излегување надвор од патеката. Шпанецот утре на четвртата стартна линија ќе биде придружуван од Мигел Оливеира (Тек 3 КТМ) и Алекс Маркез (Репсол Хонда), кои ќе започнат на 10-то, односно 11-то место.