Насмеаниот Јамал не сакаше да каже на кого ја испратил пораката пред камерата, но сега е јасно (ВИДЕО)

Ламине Јамал продолжи да ја воодушевува фудбалската јавност во полуфиналето на Европското првенство, откако го постигна еден од најубавите голови на првенството во победата на Шпанија над Франција од 2:1 и стана најмладиот стрелец во историјата на ЕП. Јамал одигра беспрекорна партија иако има само 16 години, а вниманието на сите што го следеа натпреварот го привлече неговиот потег по крајот на натпреварот.

Камерманот му пришол на Јамал додека ја прославувал победата, а потоа младиот крилен напаѓач рекол пред камерата „Разговарај сега, зборувај сега“. Прашањето за таа порака беше неизбежно на прес-конференцијата по натпреварот, но Јамал не сакаше да открие кому ја упатил.

„Личноста на која и кажав ќе знае“, кратко одговори Јамал со насмевка на лицето. Иако Јамал не сакаше да потврди, повеќето странски медиуми се согласуваат дека пораката е упатена до францускиот играч за врска Адриен Рабио, кој во изјава пред натпреварот го прозва младиот Шпанец.

„Доколку Ламин Јамал сака да игра во финалето на еврото со Шпанија, ќе мора да направи многу повеќе против нас отколку што направи досега. Ќе извршиме притисок врз него и нема да му биде удобно“, рече Рабио пред мечот, а Јамал одговори со гол и гореспоменатата порака по натпреварот.

Инаку, Јамал ден пред финалето во кое Шпанија ги чека Холандија или Англија ќе го прослави 17-от роденден.