Навивачите на Јувентус го навредуваа Анчелоти, а тој ги погоди таму каде што најмногу ги боли

Во натпреварот од 6. коло од Серија А Јувентус пред своите навивачи го победи наполи со 3:1.

Наполи одлично го започна натпреварот и дојде до предност од 1:0, но тоа беше се од гостите. Во продолжение од натпреварот Јуве беше многу подобар тим на теренот и со пресврт славеше победа од 3:1 против веројатно најголемиот конкурент за титулата.

Возбудливо беше на трибината, но и покрај клупата на Наполи. Имено, навивачите на Јувентус во неколку наврати скандирале против Карло Анчелоти кој некогаш ја водел Старата дама. За навредите од трибините тренерот на Наполи зборуваше по натпреварот, но брутално возврати.

„Тоа што навивачите пееа против мене денеска? Па не знам. Сигурно ќе најдам утеха кога ќе го гледам трофејот од Лигата на шампионите од 2003. година“, рече Анчелоти.

За потсетување, Анчелоти во 2003. година го водеше Милан до трофејот од Лигата на шампионите откако во финалето беа подобри од Јувенту по пеналите.