Не е Интер, не е Јувентус, Ракитиќ има желба во еден клуб да ја заврши кариерата

Фудбалерот од средниот ред на Барселона, Иван Ракитиќ сака да се врати во Севиља и да ја заврши кариерата во овој тим, пренесува „Калчомеркато“.

Според изворот, 32-годишниот Хрват, чиј договор со каталонскиот клуб завршува во јуни 2021 година, има намера да замине во Севиља, за која настапуваше од зимата 2011 до лето 2014 година и со тимот ја освои Лигата на Европа.

Претходно беше објавено дека играчот од средниот ред може да направи трансфер во Јувентус, а интерес имаше и од Интер.

Барселона го купи Ракитиќ од Севиља летото 2014 година за 18 милиони евра. Во сезоната 2019/20, хрватскиот репрезентативец оствари четири асистенции на 31 натпревар.

Порталот „Transfermarkt.com“ го проценува Ракитиќ на 25 милиони евра.