Ниту Интер, ниту Манчестер: Алексис оди на неочекувано место?

Судбината на Чилеанецот Алексис Санчез по оваа сезона е многу неизвесна.

Алексис се уште е фудбалер на Манчестер Јунајтед на позајмица од Интер, но како што објавија чилеанските медиуми, се чини дека следната сезона тој нема да игра ниту за едниот, ниту за другиот тим.

Иако тренерот на „Црвените ѓаволи“, Оле Гунар Солскјаер неодамна изјави дека ќе го врати Алексис на „Олд Трафорд“ затоа што од него очекува да се прероди следната сезона, Чилеанците пишуваат нешто сосема друго.

Според весникот „Ен Канча“, Алексис би можел да биде поблизу до дома, поточно во една од јужноамериканските лиги. Оние кои се заинтересирани за неговите услуги се, наводно, Фламенго, Ривер Плата, Атлетико Минеиро и клубот од неговата родна земја Универсидад де Чиле.

Споменатиот весник исто така додава дека за Алексис овие клубови би требало да издвојат околу 18 милиони евра.

Чилеанецот има одиграно 15 натпревари за Интер оваа сезона, постигна еден гол и запиша три асистенции.