Новак Ѓоковиќ доби трофеј за рекорд кој тешко дека некогаш ќе биде соборен! (ВИДЕО)

Новак Ѓоковиќ годината ја завршува на прво место – осми пат во кариерата! Српскиот тенисе на свечена церемонија во Торино го прими пехарот наменет за првиот светски рекет на крајот од сезоната.

Year End No.1️⃣ @DjokerNole #NittoATPFinals 🤜🤛 pic.twitter.com/t32wd3Or15

— Tennis TV (@TennisTV) November 13, 2023

Ѓоковиќ во неделата со победа го започна учеството на Завршниот Мастерс, обезбедувајќи го првото место на АТП листата на крајот од годината.

Новак ја завршува сезоната на врвот на табелата по рекорден осми пат. Во исто време, тој стана најстариот тенисер кој успеал во тоа.

– Возбуден сум што можам да го споделам ова искуство со вас – расположен им порача Новак на фановите.

Наградата му ја врачи на церемонија во Торино првиот човек на АТП, Андреа Гауденци.