Ново голчиште на Роналдо, на врвот на листата на стрелците (ВИДЕО)

Многумина го осудија Кристијано Роналдо кога прифати неверојатно профитабилна понуда од Саудиска Арабија и со тоа го започна трендот на заминување европски фудбалери на Блискиот Исток! Статистиката од почетокот на новата сезона велат дека тоа бил вистинскиот потег на Португалецот, бидејќи Роналдо доминира во првенството таму како некогаш во Европа – додека го носеше дресот на Манчестер Јунајтед или Реал Мадрид.

CRISTIANO RONALDO WHAT AN INSANE GOAL.pic.twitter.com/uaqojCNt6r

— The CR7 Timeline. (@TimelineCR7) November 4, 2023

На првенствениот натпревар против Ал Хали (2:0), еден од најдобрите фудбалери на сите времиња постигна фантастичен гол од далечина, откако со голема финта го исфрли од игра својот чувар. Навистина, неговите ривали денес не се едни од најдобрите дефанзивци во светот, но дури и Кристијано Роналдо е блиску до крајот на кариерата, далеку од најдобрите денови.

На листата на стрелци во првенството на Саудиска Арабија, Кристијано Роналдо е прв со 12 постигнати гола, Александар Митровиќ има девет, а Андресон Талиска, кој е соиграч на Португалецот, осум пати ја погоди мрежата. Интересно е што Кристијано досега има дури седум асистенции во првенството, што е уште еден параметар по кој е најдобар во лигата.