Њукасл одбра тренер, го внесе четвртолигашот во Премиер лигата, а сега од него ќе се бара ново чудо?!

Њукасл очигледно се договорил за доаѓање на нов менаџер. Според водечките англиски медиуми, тоа ќе биде Еди Хау (43)!

Менаџерот кој осум години го водеше Борнмаут наводно ја прифатил понудата која била одбиена од неколку експерти пред него, како што е актуелниот тренер на Виљареал, Унаи Емери.

Со оглед на тоа дека оваа вест беше претставена како „завршена работа“, сега се очекува само потврда на Њукасл и денот кога некогаш перспективниот англиски фудбалер (два настапи за младата репрезентација) ќе го преземе проектот за создавање моќен, шампион Њукасл.

Хау се здоби со фудбалско име во секоја смисла во Борнмаут. Таму прво играше од 1994 до 2002 година, потоа од 2004 до 2007 година, а потоа направи спектакуларен подвиг на клупата на првиот тим, водејќи го тимот од четвртата лига во Премиер лигата.

Според информациите на Островот, Хау ќе потпише двегодишен договор.

Да потсетиме, новата управа есенва го купи Њукасл за 350 милиони евра, а потоа по само еден натпревар му врачи отказ на претходниот тренер Стив Брус.

Кој и да го преземе тимот ќе има огромна работа, пред се да го консолидира, бидејќи моментално се претпоследни на табелата со само четири бода и без победа во првите 10 кола. А шампионските соништа можат да дојдат само кога „страчките“ ќе обезбедат престој.