Одегард „распали“ кон судиите: Тоа никогаш нема да биде фаул

Ареснал вчера го одигра натпревар против Манчестер Јунајтед, а беше поразен со 3:1.

Гостите одиграа многу добар натпревар на „Олд Трафорд“, но на крајот си заминаа дома без бод.

Манчестер Јунајтед имаше водство, Арсенал се врати и кога се очекуваше „Топџиите“ да нападнат, се тргна наопаку за нив.

Примија два брзи гола, а Манчестер Јунајтед сигурно го приведе натпреварот до крај и победи.

Сепак, се можеше да биде сосема поинаку доколку судијата не го поништи голот на Арсенал во првото полувреме.

Резултатот беше 0:0, „Топџиите“ поведоа, но по долга комуникација со ВАР собата голот на Арсенал беше поништен.

За ова по натпреварот зборуваше капитенот на Арсенал, Мартин Одегард.

„Никогаш нема да биде прекршок. Судијата го виде тоа и рече играта да продолжи. Тоа беше мек старт од мојотата страна. Работите секогаш изгледаат поинаку на камерата. Тоа никогаш нема да биде фаул за мене. Тоа е фрустрирачки“, рече Одегард.

🗣 "It's never a foul."

Martin Odegaard says it was a soft challenge to disallow Arsenal's goal pic.twitter.com/xDUZyonxJi

— Football Daily (@footballdaily) September 4, 2022

Да не беше поништен тој гол на Арсенал, играта можеше да добие сосема поинаков тек, а прашање е каков ќе беше конечниот резултат.

Сепак, Арсенал мора да се помири со првиот пораз во новата сезона, и да се сврти кон нови натпревари.