Одложија три нови натпревари во Евролигата

Три нови натпревари се одложени во машката кошаркарска Евролига. Меѓу нив е и натпреварот од 19. коло на турнирот меѓу Олимпијакос и Жалгирис (Литванија) кој беше закажан за 6 јануари во Литванија.

Грчкиот Олимпијакос, каде настапува Бугаринот Александар Везенков, побара одложување, бидејќи неколку кошаркари од тимот се заразени со коронавирус и го немаат потребниот минимум од 8 играчи за средба со Жалгирис.

Од истите причини беа усвоени барањата на Панатинаикос и Анадолу Ефес за одложување на натпреварите од 19. коло против АЛБА Берлин во Германија и против Баерн Минхен во Турција.

Според правилата на Евролигата, еден натпревар може да се одложува до три пати доколку има слободни термини. Раководството на турнирот веќе презакажа дел од натпреварите кои беа одложени на крајот на минатата година.