Официјално: Ѓоковиќ не оди на УС Опен!

Новак Ѓоковиќ официјално објави дека се повлече од претстојниот УС Опен.

Како невакциниран странец, Ѓоковиќ не може да влезе во земјата, а Американската тениска асоцијација (USTA) не побара од американската влада изземање за трикратниот шампион.

„За жал, нема да се натпреварувам оваа година во Њујорк. На сите играчи им посакувам добар турнир. Благодарност до моите #NoleFam (обожаватели) за сета љубов, поддршка и охрабрување. Продолжувам да ја одржувам формата и оптимизмот и се радувам на нови натпревари. Се гледаме наскоро!“, напиша Ѓоковиќ на Твитер.

Sadly, I will not be able to travel to NY this time for US Open. Thank you #NoleFam for your messages of love and support. ❤️ Good luck to my fellow players! I’ll keep in good shape and positive spirit and wait for an opportunity to compete again. 💪🏼 See you soon tennis world! 👋🏼

— Novak Djokovic (@DjokerNole) August 25, 2022

Последниот Грен слем турнир годинава започнува на 29 август. Новак славеше во Њујорк во 2011, 2015 и 2018 година.

„Новак е голем шампион и жално е што нема да може да настапи, бидејќи не може да влезе во земјава како невакциниран странец. Со нетрпение очекуваме повторно да бидеме домаќини на Новак на УС Опен во 2023 година“, изјави директорката на УС Опен, Стејси Аластер.