Организираше забава од милион долари, за да добие договор со Адидас, па сега живее како крал!

Жилберт Аренас своевремено беше една од најголемите ѕвезди во НБА лигата, а во текот на кариерата заработи многу пари, најмногу благодарение на одличните спонзорски договори. Аренас најдобрите денови во кариерата ги помина во дресот на Вашингтон Визардс за кој настапуваше од 2003 до 2010 година и се истакна како еден од најпопуларните кошаркари во најдобрата кошаркарска лига во светот. НБА кошаркарите се познати по тоа што заработуваат големи пари од своите договори, а кога си меѓу најпопуларните тогаш спонзорите чекаат на ред да работат со тебе.

Покрај парите од договорот со клубот, кошаркарите инкасираат неверојатни суми од спонзорски договори, а најдобар доказ за тоа е Мајкл Џордан, кој во кариерата заработи милиони и милиони откако се збогуваше со кошарката, а сето тоа благодарение на неговиот договор со Најк.

Затоа кошаркарите трпеливо чекаат понуди за договори за патиките во кои ќе настапат, а најчесто бираат меѓу Најк и Адидас кои со години нудат најголеми пари за соработка.

Мета на овие компании некогаш беше Аренас кој на неверојатен начин успеа да извлече неверојатна сума пари од Адидас за спонзорски договор.

Аренас имаше роденденска забава од 1 милион долари во 2007 година и покани 7.500 луѓе, но тој добро знаеше дека ако одигра како што треба, ќе заработи многу повеќе пари отколку што инвестираше.

„Во тоа време во лигата имаше многу попопуларни играчи од мене. Бев во преговори со Адидас. Бев играч на Ол Стар двапати и имав договор од 100.000 долари за патики, а тие ми понудија 500.000 долари по сезона за нов. Им реков „Не, јас вредам два милиони долари.“ Ми рекоа дека не сум доволно популарен и дека ќе ми го дадат тој договор доколку бидам во стартната петорка на Ол Стар натпреварот.  На списокот беа играли како Двејн Вејд, Винс Картер, Ален Ајверсон, Леброн Џејмс, вели Аренас.

Седум дена седев и размислував што да правам. Мислев дека е невозможно покрај тие имиња да играм во стартната петорка на Ол Стар натпреварот. Решив да направам роденденска забава бидејќи слушнав дека мајката на Винс Картер често го прави тоа за да го направи нејзиниот син уште попопуларен. На забавата таа даваше гласачки ливчиња на кои сите гласаа за Картер да биде дел од Ол Стар и на тој начин им покажа на спонзорите колку е навистина популарен, иако можеби не бил во тоа време“.

„Си реков дека ќе го направам истото. Ќе инвестирам пари, ќе поканам големи ѕвезди и ќе ги намамам луѓето да дојдат и потоа да гласаат за мене на тие избори за Ол Стар. Најпрво бев одбиен од Лил Вејн и Џеј Зи , но кога успеав да се согласам дека Паф Деди дојде насекаде“.

„Сите тогаш го потврдија пристигнувањето и беше лесно со такви ѕвезди да се привлечат луѓето да дојдат. Вложив милион долари во таа забава, но знаев дека можам да добијам многу повеќе“.

Аренас со таа забава успеа да си ја исполни целта. На Ол-стар анкетата тој беше зад Картер и целта му беше да го претекне и да му покаже на Адидас колку е популарен.

„Имав 200.000 гласови помалку од него и го престигнав преку ноќ по таа забава. Завршив на второто место во Источната конференција, а само напред беше Двејн Вејд кој ја освои титулата на Мајами Хит претходната година“, додаде Аренас.

На крајот, Адидас на овој кошаркар му понудил договор од два милиони долари по сезона, но тој повторно ја зголемил побарувачката. На крајот успеа да преговара за договор вреден дури пет милиони долари по сезона, а со Адидас потпиша на осум години.

Оваа забава во тоа време беше главната приказна во САД, но малкумина знаеја зошто Аренас ја организираше и која беше неговата цел. Тој докажа дека идејата му е неверојатна и на сето тоа потроши милион долари, а подоцна од договорот со Адидас заработи 40 милиони долари.

Аренас во НБА играше 12 години, а покрај за Вашингтон Визардс играше и за Голден Стејт Вориорс, Орландо Меџик и Мемфис Гризлис. Кариерата ја заврши во 2013 година по една епизода во Кина каде играше за Шангајските ајкули.