Партизан имаше +18 против Реал Мадрид, но се распадна во вториот дел, Кралевите одат во Ф4

Кошаркарите на Партизан не успеаја да се пласираат на фајналфорот на Евролигата иако имаа 18 поени предност против Реал во Мадрид на почетокот на второто полувреме од решавачкиот петти натпревар од четвртфиналето на плејофот.

Кралскиот клуб победи со 98:94 и ја прекина серијата со вкупен резултат 3-2 и закажа полуфинален меч со Барселона во Каунас. Мадрид е првиот тим во историјата на плеј-офот од елитното натпреварување, кој од 0-2 претвори во 3-2. Во вториот натпревар на завршниот турнир ќе се сретнат Олимпијакос и Монако.