Пиоли со тенок психо-напад на Интер

Тренерот на Милан, Стефано Пиоли испрати љубопитна порака до лидерот во Серија А Интер по победата од 4:2 како гостин над Емполи во 19. коло од шампионатот, кое беше последно за календарската година. Нероаѕурите, актуелниот шампион на Италија, ќе презимуваат на врвот со 46 бодови, додека Милан е втор со 42.

Лани бевме зимски шампиони, но не ја освоивме титулата. Сè допрва доаѓа“, рече Пиоли.

Милан беше сигурен во успехот, водејќи речиси цело време. Франк Касиер, кој презеде нова улога на теренот, им донесе предност на Росонерите во 12. минута. Недим Бајрами израмни во 18-та, но потоа по головите на Касие (42), Алесандро Флоренци (63) и Тео Ернандез (69), гостите од Ломбардија коваа успех. На самиот крај Андреа Пинамонти од пенал ги постави конечните 2:4.

„Противникот беше многу тежок. Денеска трите бода беа најважни, бидејќи ни беа потребни по поразот од Наполи во последното коло“, изјави Пиоли, кој му постави нова цел на Милан – да освои повеќе од 79 бода оваа сезона. Тоа беше предност на Милан во последната кампања, кога Интер стана шампион со 91.