Тајмаут
Почнал да се дрогира и пие, ги тепал родителите, а сега објавил фотографија на која плаче и бара прошка
Поранешниот колумбиски фудбалер Фреди Гуарин ја шокираше фудбалската јавност со ново соопштение на социјалните мрежи.
Сите го паметат Гуарин по одличните партии кои ги одигра во Порто и Интер, а одлично играше и во дресот на колумбиската репрезентација за која настапи на Светското првенство во Бразил 2014 година.
Сепак, неговиот живот целосно се промени во изминатите години, а Гуарин сега се најде на насловните страни на таблоидите поради неговото скандалозно однесување.
Минатата година фудбалскиот свет беше згрозен од веста дека Гуарин е уапсен откако се појави видео на кое се гледа крв на неговите панталони, а потоа и веста дека ги претепал родителите.
По завршувањето на кариерата Гуарин целосно исчезна од сцената, а сегашното појавување ги шокираше сите бидејќи навистина не личи на некој кој сериозно се занимавал со фудбал и играл на највисоко можно ниво пред неколку години.
Гуарин се препуштал на алкохол и дрога, кои му го уништиле животот, а родителите се обидувале да му помогнат, но имале и проблеми. Иако има само 36 години, навистина е неверојатно што си направил себеси и како изгледа денес.
Сепак, поранешниот играч од средниот ред на Интер повторно се најде во центарот на вниманието откако на Инстаграм објави фотографија на која плаче, а потоа со потресна порака на сите им покажа дека навистина се наоѓа во тешка ситуација.
“Здраво на сите, денес сакам да ви покажам на сите каква сум, со отворено срце и без намера да стекнам нови следбеници и да се сожалувам за мене. Ова го правам со намера да помогнам барем на една личност”, започна Гуарин, и продолжи.
View this post on Instagram
“Мојот живот целосно се промени. Солзите што ги гледате на фотографијата се од човек полн со тага, грешки, гревови и многу други работи. Луѓе, време е да ја отвориме вратата на Бога и да дозволиме тој да не води десно патека“.
„Господ веќе ми прости и јас си простувам. ..“.
Гуарин дојде во Европа во летото 2006 година кога потпиша за Ст. Етјен, а подоцна се пресели во Порто каде играше одлично. На почетокот на 2012 година пристигна во Интер каде играше четири години.
View this post on Instagram
Тој го напушти Интер на почетокот на 2016 година за 13 милиони евра во Шангај Шенхуа, каде заработи огромни пари за три сезони. Подоцна замина во Васко де Гама, а пред две години се врати во Колумбија и потпиша за Милонариос.
Сепак, по само половина година во овој клуб го раскина договорот и ја заврши кариерата, а потоа почна неговиот неверојатен пад. Се посветил на пороците и за малку ќе си го уништил семејството, но изгледа конечно сфатил дека не може така и побарал помош.
