Половина милијарда евра за шпанските клубови

Пандемијата на коронавирус, особено во Европа, влијаеше на сите сфери на животот.

Во многу земји скоро сè, од сообраќај до производство, запре, а застана и спортот.

Не се случило вакво нешто во фудбалот на Стариот континент одамна (освен во Белорусија), а не се знае кога, како и дали ќе продолжат натпреварувањата.

Многу клубови може да се најдат во многу лоша ситуација, а за некои кризата би можела да значи банкрот.

Ова особено важи за помалите клубови.

Фудбалската федерација на Шпанија, земја која е во тешка ситуација поради коронавирусот, одлучи да состави пакет за да им помогне на фудбалските клубови.

Како прво, станува збор за заем за професионални клубови, со рок на отплата од пет години.

Вкупно 500 милиони евра се подготвени за таква помош.

? Presentamos el paquete de medidas de la RFEF para ayudar en la crisis del #COVID19.

➡ Ofrecemos a nuestros psicólogos, fisioterapeutas y el hotel de la @SeFutbol.

➡ Ayudas de 4 millones de euros para el fútbol aficionado.

➡ Créditos sindicados para el fútbol profesional. pic.twitter.com/uUMjMEog4E

— RFEF (@rfef) March 25, 2020

Шпанската федерација подготви и четири милиони евра за машките и женските аматерски клубови, додека достапни се и психолози, физиотерапевти и сместувачки капацитети.