Connect with us

Фудбал

Постигна гол против Арсенал синоќа директно од корнер, а денеска потпишува за „Топџиите“

Арсенал не беше многу активен во однос на трансферите ова лето, но се чини дека „Топџиите“ би можеле да приредат големо изненадување денес.

Арсенал го заврши најголемиот дел од работата пред почетокот на сезоната кога донесе неколку засилувања и се чинеше дека завршија со градењето на нивниот тим.

Дека Микел Артета создаде многу добар тим се гледа на почетокот на сезоната бидејќи Арсенал е единствениот клуб кој има максимален учинок по пет одиграни кола во англиската Премиер лига.

Сепак, англиските медиуми пренесуваат дека Арсенал подготвил големо изненадување за самиот крај на летниот преоден рок.

Очигледно „топчиите“ до крајот на денот ќе се обидат да го доведат Даглас Луиз кој сака да ја напушти Астон Вила.

Овој 24-годишен Бразилец веќе договорил се со Арсенал, па останува клубовите да се договорат за обештетувањето. Астон Вила не е премногу заинтересирана за продажба, но Луиз јасно стави до знаење дека сака да замине.

Интересно, на Емирати синоќа играа Арсенал и Астон Вила, а „Топџиите“ победија со 2:1. Луиз влезе од клупата и само половина минута подоцна постигна гол директно од корнер и покажа за каков мајстор станува збор.

Од Арсенал се уверени дека до полноќ ќе успеат да го комплетираат трансферот на овој дефанзивен играч за врска, а Астон Вила на крајот ќе попушти со оглед на тоа што Бразилецот конкретно сака да оди на Емирати.

Тој е под договор со Астон Вила уште една година и ова е последна шанса за овој клуб да заработи од неговата продажба и да го избегне сценариото тој да си замине без обештетување на крајот од сезоната.