Connect with us

Тајмаут

Познатиот шпански фудбалер се пензионираше, сега сака да биде пожарникар или порно актер!?

Познатиот шпански фудбалер Хоакин (40) одлучи оваа сезона да биде последна во неговата играчка кариера.

Хоакин со години ја одложуваше пензијата, сакаше да игра што подолго, но време е да се збогува. Годините си го прават своето, тој полека се откажува, не може да му помогне на Бетис онака како што би сакал, па решил да ги закачи копачките на ѕид, а веднаш спомнал што ќе прави во иднина.

Тој истакна дека ќе работи како телевизиски водител, подоцна како професионален консултант, а има амбиции да се испроба и во други сфери, иако прашање е колку е сериозен.

– Веќе знам дека ќе ми недостига фудбалот, но на 40 години време е да ја завршам кариерата, па сега ќе бидам ТВ водител. Ќе биде многу забавна програма, полна со хумор и радост. Сакам да учам и за нови работи и занимања. Што би сакал да правам? Сега сериозно, би сакал да бидам пожарникар или порно актер. Многу би сакал да бидам пожарникар бидејќи тоа е прекрасна професија во која треба да го почувствувате адреналинот кога ќе го слушнете алармот за пожар и треба брзо да интервенирате. Што се однесува до тоа да бидам порно актер, можеби нема да бидам доволно добар, изјави Хоакин.

Шпанецот кариерата ја започна во помладите категории на Бетис и во овој клуб играше до 2006 година кога Валенсија го купи во трансфер вреден 20 милиони евра.

Играше и за Малага и Фиорентина, а од 2015 година повторно е во Бетис.

Реклама

Facebook

Реклама