„Продолжението на Серија А оваа сезона е невозможно“

Играчот од средниот ред на Рома, Хавиер Пасторе е еден од оние кои сметаат дека италијанскиот шампионат нема да може да ја заврши оваа сезона.

Коронавирусот создаде апсолутен хаос ширум светот, при што најлоша е состојба во Италија каде умираат над 500 луѓе секој ден.

Серија А беше прекината пред две седмици, и покрај влошената состојба на Апенините, лидерите во лигата, како и УЕФА сè уште размислуваат за тоа како може да се продолжи.

Еден од оние кои мислат дека нема начин да се стави крај на првенството е играчот од средниот ред Рома Пасторе.

„Ќе видиме дали ќе продолжиме да играме оваа или следната сезона. Да бидам искрен, мислам дека е невозможно да се заврши првенството. Потребни ни се најмалку 20 до 30 дена тренинзи за да бидеме подготвени“.

„Сите клубови ќе изгубат пари, но мислам дека е невозможно за нас да продолжиме таму каде што заминавме. Тоа ќе значи дека ќе продолжиме се подоцна и подоцна, па ќе мора следната сезона да се помести. Но, не можеме да го сториме тоа, бидејќи следното лето е Европското првенство, Копа Америка итн“.

Рома се најде на 5. место со три бода помалку и натпревар повеќе од четвртопласираната Аталанта пред прекинувањето на италијанскиот шампионат.