ПСЖ го донесе од Барселона, а сега замина бесплатно во Катар

Рафиња (29), еден од играчите на кои не сметаше тренерот на ПСЖ, Кристоф Галтие. Го раскина договорот со францускиот шампион и потпиша на две сезони со Ал Араби, соопшти катарскиот клуб. Бразилскиот играч од средниот ред беше под договор со ПСЖ до јуни 2023 година, а во клубот дојде во 2020 година од Барселона. За парискиот клуб имаше 39 настапи и имаше седум асистенции, но никогаш не се наметна целосно. Тој беше позајмен и во Реал Сосиедад, за кој постигна еден гол на 21 натпревар.

Откако тренерот Галтие и спортскиот директор Луис Окампос го презедоа ПСЖ, клубот се ослободи од бројните играчи, што беше најавено на почетокот на преодниот рок. Тие ги продадоа Арнауд Калимуендо, Тило Керер, Алфонс Ареола, Идриса Гује, Тирн Балде и Марцин Булка.

На позајмица заминаа Џулијан Дракслер, Абду Диало, Џорџинио Вајналдум, Леандро Паредес, Андер Ерера, Колин Дагба и Лајвин Курзава, а како слободни агенти клубот го напуштија Анхел Ди Марија, Чави Симонс и сега Рафиња, меѓу другите.

Released from his contract with Paris Saint-Germain, @Rafinha has signed for the Qatari club Al Arabi.@PSG_English wishes him the best for the rest of his career. pic.twitter.com/FRy7cPbHfu

— Paris Saint-Germain (@PSG_English) September 4, 2022

Вистинското име на Рафиња е Рафаел Алкантара и тој е помлад брат на Тиаго Алкантара од Ливерпул. Тој помина низ фудбалската школа на Барселона, а во текот на кариерата играше и за Селта Виго и Интер. На два настапи за бразилската репрезентација постигна еден гол.