Пу, пу не важи – Чави вели останува во Барселона: Јас сум војник!

Тренерот на Барселона, Чави Ернандез изјави дека се откажал од својата одлука да го напушти клубот летото, откако неговите играчи го убедиле дека има победнички тим, и покрај тоа што сезоната ја завршил без трофеј.

„Многу луѓе, вклучително и моите играчи, ме натераа да видам дека ова не е готово“, изјави Чави на прес-конференција.

🔵🔴 Xavi: "I changed my mind because I really felt total confidence from the president, from the board and the players too. This project isn't finished yet".

"Me, my staff, all together feel that we have strength to make important things together and continue this project". pic.twitter.com/mDJavSLPBz

— Fabrizio Romano (@FabrizioRomano) April 25, 2024

Изјавата доаѓа еден ден откако тој постигна договор со шефовите на Барселона да ја поништи својата јануарска одлука да го напушти клубот на крајот од сезоната. Поранешниот шпански репрезентативец изјави дека секогаш на прво место ја ставал благосостојбата на клубот и тимот и негираше дека се работи за пари.

Првиот човек на клубот знае дека немаше да барам ниту едно евро доколку го напуштав клубот пред истекот на договорот. Чави ја донесе одлуката три дена откако го загуби големото дерби од Реал Мадрид со 3:2, а минатата недела Барселона беше елиминирана во четвртфиналето од Лигата на шампионите во двомечот против ПСЖ. „Моето време во клубот не е завршено и верувам дека можеме да бидеме успешни. – изјави Чави.