Реал, Барселона и другите гиганти тријат раце, Европскиот суд пресуди против УЕФА и ФИФА, Суперлигата може да се формира!

УЕФА и ФИФА постапија спротивно на законот за натпреварување кога пред две години ја забранија Супер лигата, одлучи денеска Европскиот суд за правда.

🚨 𝗕𝗥𝗘𝗔𝗞𝗜𝗡𝗚: The European Court of Justice has ruled that UEFA and FIFA acted against competition law by blocking the formation of the Super League in 2021.

(Source: ECoJ) pic.twitter.com/BGsqLEvErV

— Transfer News Live (@DeadlineDayLive) December 21, 2023

Пресудата не значи дека повторно ќе се формира Суперлига, туку само дека треба да се дозволи нејзино формирање во иднина. Челниците на моќните клубови Реал Мадрид, Барселона и Јувентус, како основачи на Суперлигата, ја тужеа УЕФА за конфликт на интереси и тврдеа дека чадор фудбалските организации имаат незаконски монопол на организацијата на сите фудбалски натпреварувања.

Проектот Суперлига може да добие ново засилување по оваа одлука на Судот, додека Барселона и Реал можат да добијат по милијарда евра судска отштета. Да потсетиме, Суперлигата беше замислена како натпреварување на најсилните фудбалски клубови во Европа, а при нејзиното основање наводно биле контактирани околу 60 клубови кои би можеле да учествуваат во неа.