Реал ја објави повредата на Бензема

Реал Мадрид официјално ги објави резултатите од лекарските прегледи на Карим Бензема. Французинот го напушти теренот повреден на натпреварот против Селтик во Лигата на шампионите.

„По извршените тестови на нашиот играч Карим Бензема од страна на медицинските служби на Реал Мадрид, му беше констатирана повреда на полутендинозус и истегнување на квадрицепсот, двата во десната бутина“, напишаа од „Сантијаго Бернабеу“.

Бензема сигурно ќе ги пропушти натпреварите против Мајорка во Ла Лига и гостувањето кај РБ Лајпциг во СХЛ.