Реал реши да го „казни“ Мбапе, му дава 100 милиони евра помалку од пред две години

На 1 јануари, на Килијан Мбапе му беше дадено право да потпише прелиминарен договор со нов клуб, доколку одлучи да го напушти ПСЖ на крајот на сезоната, и сите очекуваат неговата следна дестинација да биде Реал Мадрид. Реал Мадрид сакаше да го донесе како слободен агент во летото 2022 година, но Мбапе одлуката ја одложуваше со месеци и конечно го продолжи договорот со ПСЖ до летото 2024 година во мај.

Тогаш Реал му понуди бонус од дури 150 милиони евра за потпишување на договорот, а Флорентино Перез не ги заборави настаните од зимата 2022 година, а тоа го покажува актуелната понуда што кралскиот клуб му ја подготви на Мбапе.

Овојпат Реал му постави рок на Мбапе да го потпише преддоговорот до крајот на јануари и наместо 150 милиони, сега се подготвени да му дадат „само“ 50 милиони евра за потпишување на договорот. Неговата плата би била иста како и пред две години, а се работи за сума од 26 милиони евра годишно. Секако, парижаните се подготвени да му дадат многу поголема плата на Мбапе, но Французинот е свесен дека има многу поголеми шанси да ја освои Лигата на шампионите во Реал, па ќе биде интересно да се види како ќе заврши оваа сага.