Реал започна преговори со својата ѕвезда. Клаузулата за обештетување е една милијарда евра

Минатата среда Реал го исфрли Ливерпул во осминафиналето на Лигата на шампионите, а еден од најдобрите играчи на кралевите беше Французинот Едуардо Камавинга. По натпреварот, соиграчот Карим Бензема исто така го пофали: „Толку млад и толку добар“, рече Бензема за својот 20-годишен соиграч, а Анчелоти објасни зошто Камавинга одигра толку добро.

„Камавинга сака да игра со Модриќ и Крос. Се чувствува безбедно и удобно“, изјави Италијанецот.

Реал е свесен каков дијамант има и иако има важечки договор со актуелниот европски шампион, Камавинга би можел да потпише нов, подобрен договор во наредните денови. Шпанските медиуми пишуваат дека Реал започнал преговори со младиот играч за врска. Планот на клубот од Мадрид е да го продолжи постоечкиот договор за уште две до три години, да ги зголеми годишните примања и да стави ослободителна клаузула од цели милијарда евра.