Connect with us

Фудбал

Решена уште една сага: Усман Дембеле синоќа пристигна да го потпише договорот!

Усман Дембеле конечно донесе одлука за продолжување на кариерата.

Французинот е без клуб веќе две недели откако му истече договорот со Барселона и трпеливо чекаше понуди од клубовите за да ја донесе својата одлука.

Дембеле од почетокот имаше понуда од Барселона да остане на Камп Ноу, но тој веднаш не го прифати договорот бидејќи неговиот агент Муса Сисоко беше незадоволен од условите кои му ги понуди Барселона.

Сисоко бараше неверојатни услови од другите клубови, па дури и бонус од 15 милиони евра за себе, што никој не сакаше да го понуди на крајот.

Поради ова Дембеле конечно „скрши“ и реши да остане во Барселона. Французинот синоќа пристигна во Барселона, каде го пречека група фоторепортери.

Дембеле денеска веќе би требало да има лекарски прегледи во каталонскиот клуб и со Барса ќе потпише двегодишен договор според кој ќе заработува десет милиони евра по сезона.

Тој се согласи да ја намали платата за да и помогне на Барселона, но се чини дека навистина немаше избор бидејќи немаше други понуди.

По завршувањето на лекарските прегледи и потпишувањето на новиот договор со каталонскиот клуб, Дембеле се очекува веќе вечерва да му се приклучи на остатокот од тимот во подготовките за новата сезона. Останувањето на Французинот многу ќе го израдува Чави бидејќи Дембеле беше најдобар играч на Барса во вториот дел од минатата сезона.