Connect with us

Други спортови

Рикардо: Некој го блокираше мојот трансфер во Ферари!

Пилотот во Формула 1, Австралиецот Даниел Рикардо, се сомнева дека некој го блокирал неговиот евентуален трансфер во екипата на Ферари во 2019 година, откако тој реши да го напушти Ред Бул и да замине во тимот на Рено.

Австралиецот бил во преговори да го замени Кими Раиконен за 2019 година, но овие преговори пропаднаа, наводно поради финансиските барања на Рикардо, па од Ферари се решија за следната сезона да го промовираат Шарл Леклер како партнер на поранешниот колега на Рикардо, Германецот Себастијан Фетел.

-Не можам да кажам зошто. Кој вели дека сум барал многу пари? Јасно е дека некој не сакаше јас да дојдам во Маранело. Кој? Би сакал да знам, но можеби имам идеја за кого се работи. Се надевам дека направија вистински избор со Леклер, а околу мене, уште сум млад и можеби ќе има шанса да се сретнеме повторно, изјави Рикардо во интервју за италијанскиот портал „Аутомото“.

Со оваа енигматична изјава Рикардо како да сакаше да го посочи токму Фетел, со кого имаше една бурна сезона во Ред Бул (во која беше далеку подобар од него) како главната пречка за трансферот во Ферари. Останува да се види дали Ферари ќе се изјасни за оваа изјава на Австралијанецот.

Реклама

ФОТО

Повеќе од Други спортови

WP Facebook Auto Publish Powered By : XYZScripts.com