Роман Абрамович добил улога за решавање на војната помеѓу Украина и Русија, веќе е во Белорусија?!

Абрамович отсекогаш бил во пријателски односи со Владимир Путин, но улогата што ја доби во војната меѓу Украина и Русија шокираше многумина. Имено, според информациите на странските медиуми, Абрамович ќе биде посредник во преговорите меѓу Украина и Русија кои се водат денеска.

Рускиот бизнисмен и еден од најбогатите луѓе денеска веќе е во Белорусија и се согласил да учествува во преговорите меѓу двете страни.

„Можам да потврдам дека украинската страна се обиде да најде некој во Русија кој е подготвен да најде мирно решение. Тие стапија во контакт со Роман Абрамович преку еврејската заедница“, изјави украинскиот филмски режисер Александар Родњански.

Roman Abramovich speaking with Ukraine in attempt to broker peace after Russia invasion https://t.co/DiIEwPAWNf pic.twitter.com/ZKuv9X8APY

— Telegraph Football (@TeleFootball) February 28, 2022

Родњански рече дека е во постојан контакт со луѓе блиски до претседателот на Украина Володимир Зелински и дека тие се благодарни за се што прави Абрамович.

Во меѓувреме, ПР-одделот на сега веќе поранешниот претседател на Челзи потврди дека Абрамович учествува во разговорите, но одби да открие повеќе детали.

Инаку, Абрамович остана сопственик на Челзи, само што раководењето со лондонскиот гигант го препушти на други луѓе, поточно на добротворната организација Челзи.