Ракомет
Романија без најдобрата ракометарка во полуфиналето на ЕП
Ракометната репрезентација на Романија ќе има голем проблем во борбата за медал на Европското првенство (ЕП) затоа што остана без услугите на најдобрата ракометарка Кристина Неагу.
Неагу, која стана најдобар стрелец во историјата на ЕП, пред крајот на мечот со Унгарија се здоби со повреда, а проценките не се позитивни. Се вели дека таа има повреда на лигаментите на коленото и дека настапот за неа на овој собир е завршен.
Романија е веќе во полуфиналето на ЕП, а за противник ќе ја има селекцијата на Русија.