Саинц беше најбрз на вториот тренинг, Перез предизвика прекин

Возачот на Ферари, Карлос Саинц јуниор, беше најбрз на вториот тренинг на Италијанското ГП, бидејќи својот најбрз круг го извозе во Монца за 1:21.355 минути. Второто место му припадна на Ландо Норис во Мекларен, додека третопласиран беше возачот на Ред Бул, Серхио Перез.

Така Саинц го прослави својот 29-ти роденден со одличен ден на патеката, бидејќи беше втор на првиот тренинг – зад Макс Верстапен во Ред Бул.

Најдоброто време на Норис беше 0,019 секунди побавно од Саинз, додека Чеко заостана 0,185 секунди зад Шпанецот. Вториот тренинг го одбележа сопнувањето на Перес, што доведе до период на црвено знаме.

Оскар Пјастри во вториот Мекларен, бранителот на титулата Верстапен и тимскиот колега на Саинц, Шарл Леклер заостанаа помалку од половина секунда. Сите веќе споменати возачи ги поставија најбрзите кругови користејќи меки пневматици, додека на седмото место се најде Алекс Албон, кој беше побавен од лидерот за 0,624 секунди, но со средно тврди гуми.

Третиот тренинг е на програмата во сабота од 12:30 часот, додека почетокот на квалификациите е закажан за 16:00 часот.

Ferrari, McLaren and Red Bull not leaving any scraps in second practice#ItalianGP #F1 pic.twitter.com/XdFZPkQb2h

— Formula 1 (@F1) September 1, 2023