Салах пред дербито со ПСЖ зборуваше за наводниот конфликт со Мане

Веќе во првото коло од групната фаза од Лигата на шампионите не очекува големо дерби на Енфилд каде екипата на Ливерпул ќе го пречека ПСЖ.

Минатогодишниот финалист сака да продолжи со добрата игра во нај елитното клупско натпреварување, но јасно е дека нема да им биде лесно против шампионот на Франција. Секако, најмногу се очекува од Мохамед Салах, Саидо Мане и Роберто Фирмино.

Сепак, во последно време се повеќе се шпекулира дека ова трио повеќе не функционира најдобро. Наводно, Салах и Мане повеќе не се во толку добри односи, но Египќанецот реши да го демантира тоа пред утрешниот натпревар против ПСЖ.

„Единствената вистина од тоа што се пишува е тоа дека ние сме вистински пријатели. Многу разговараме од првиот ден и се дружиме. Ние тројца после секој натпревар седиме во соблекувалната и разговараме за тоа што треба да направиме за да биде уште подобро. Помеѓу нас владее солидарност и не ни е важно кој ќе даде повеќе голови“ рече Салах.