Себастијан Буеми стана резервен пилот на Ред Бул и Алфа

Лондон, 21 октомври 2020 (МИА) – Себастијан Буеми е назначен за резервен возач на Формула 1 тимовите Ред Бул и Алфа Таури до крајот на сезоната 2020 година.

Претходно резервен возач на тимот беше Серхио Сете Камара, кој нема да може да присуствува на трките во Формула 1 поради учеството во Супер Формула.

Буеми возеше за Торо Росо (поранешен Алфа Таури) од 2009 до 2011 година. зс/