Шарапова по 15 години ја кажа вистината за Ѓоковиќ, како завршиле на вечера!

Поранешната руска тенисерка Марија Шарапова раскажа како завршила на вечера со Новак Ѓоковиќ пред 15 години. Шарапова гостуваше во подкастот на Рене Стабс и се присети како изгубила облог со најдобриот тенисер на светот.

“О Боже мој… Имам луда приказна со Новак. Се сеќавам кога ги освоивме нашите први Грен слем титули. Тој сè уште се бореше да се пробие на највисокото ниво, се обидуваше да стигне до врвот, но неговото тело не можеше да остане во чекор со неговата игра во тоа време. Игравме во Индијан Велс, не можам да се сетам на точниот облог, но тој рече: „Ако победам на турнирот, ќе вечераме заедно“. Реков: „Во ред, нема проблем, тоа дефинитивно нема да се случи“. Откако победи, рече: „Тоа е тоа! Одиме на вечера, и беше многу забавно. Во еден момент дури ме праша дали можеме да се фотографираме, низ насмевка откри Шарапова.

Maria Sharapova says she went to dinner with Djokovic after losing a bet:

“Oh god… I have this funny story with Novak. I remember we had won our first Grand Slams, it was at the time he was getting there, getting to the top & his body was not at the level of his tennis… We… pic.twitter.com/IJjSbLJ1SD

— The Tennis Letter (@TheTennisLetter) September 27, 2023

Новак Ѓоковиќ и Марија Шарапова имаат посебен однос. Двајцата со текот на времето снимија неколку реклами и останаа добри пријатели. Шарапова веќе подолго време живее во САД, а во кариерата ги освои сите Грен слем титули. Таа го освои Вимблдон во 2004 година кога имаше само 17 години, а две години подоцна го освои и УС Опен. Шарапова го освои Австралија опен во 2008 година, а во 2012 и 2014 година го освои Ролан Гарос. На Олимписките игри во Лондон во 2012 година таа освои сребрен медал.